ஒரு பதிவரின் முதல் காதல்!

எல்லோருக்கும் ஞாயிற்றுக்கிழமை அந்திநேர வாழ்த்துக்கள்! கும்புடுறேனுங்கோ!

என்னோட பர்ஸ்ட் லவ்வு பத்தி பதிவு போடச் சொல்லி, இதுவரைக்கும் நாலுலட்சத்து முப்பது லட்சம் மெயில் வந்திருக்கு! அதுல பாதி மெயில் இங்கிலீசுல இருக்குறதால நான் படிச்சுப் பார்க்கல! ஏன்னா எனக்கு இங்கிலீசு ரீட் பன்ணத்தான் தெரியுமே தவிர வாசிக்கத் தெரியாது! சரி வாங்க என்னோட பர்ஸ்ட் லவ்வு பத்தி சொல்றேன்!

ஓரமா இருக்குறது மியூசிக் டீச்சர்

அப்போ, எனக்கு 13 வயசு! காதல்கோட்டை படம் வந்து செமையா போயிட்டு இருந்திச்சு! ஒருநாள் அந்தப் படத்தை எங்க ஊருல இருக்கும் மினி தியேட்டரில், என்னோட ஃபிரெண்டு பார்த்தான்! “ என்ன மச்சி கதை?”ன்னேன்! அவன் சொன்னான் “ பார்க்காம லவ் பண்ணுறதுதான் கதை”ன்னு! “ ஓகோ! படத்தைப் பார்க்காம லவ் பண்ணணும் போல”னு நெனைச்சுக்கிட்டு, நான் தியேட்டர் வாசலில வேர்க்கடலை வாங்கி கொறிச்சுக்கிட்டு, வீட்டுக்கு வந்துட்டேன்!

அப்பத்தான் எனக்கும் யாரையாச்சும் லவ் பண்ணணும்னு தோணிச்சுது! என்னோட சயன்ஸ்டீச்சர், மதமெட்டிக்ஸ் மாஸ்டரை லவ் பண்ணியதால, என்னால மியூசிக் டீச்சர லவ் பண்ண முடியல! ஏன்னா, மதமெட்டிக்ஸ் மாஸ்டரோட சம்சாரம்தான் நம்ம மியூசிக் டீச்சர்! தன்னோட புருஷனுக்கும், சயன்ஸ் டீச்சருக்கும் இடையே இருந்த லவ்வ பிரிக்கும் வேலைல அவ பிசியா இருந்ததால, அவவுக்கு நான் எழுதி வைச்சிருந்த லவ் லெட்டர்ஸ் எல்லாத்தையும், ஒரு பெட்டிக் கடைல குடுத்து 5 தீபாவளி வாழ்த்து அட்டை வாங்கினேன்! அதுல சமயபாட டீச்சரோட பேர எழுதி, அவவுக்கு கொடுத்தேன்! அந்த நேரம் பார்த்து, அவவுக்கு ட்ராஸ்பர் ஆகி, வேற ஊருக்குப் போயிட்டாங்க!

சரி வேற வழியே இல்லைன்னு புரிஞ்சு போய்ச்சு! அதுனால நான் என்கூட படிச்ச பரிமளாவ லவ் பண்ணலாம்னு யோசிச்சேன்! அதுக்குள்ள, பரிமளாவோட ஃபிரெண்டு சிரிமளா எனக்கு லெட்டர் குடுத்தா! நான் அப்படியே ஷாக் ஆயிட்டேன்! பரிமளாவா? சிரிமளாவா? அப்டீங்கற குழப்பத்துல நான் நாலுநாளா குளிக்கல! ஒரு நாள் ஒரு ஃபிரெண்டு வீட்ட போனேன்! அவகிட்ட சொன்னேன் “ மச்சி! எனக்கு பரிமளாவ புடிச்சிருக்கு! ஆனா கிரிமளா என்னைய லவ் பண்றா! என்னால முடிவெடுக்க முடியலை” அப்டீன்னு சொன்னேன்! சொல்லிட்டு, அப்படியே அவன் வீட்டுலேயே படுத்து தூங்கிட்டேன்! காலைல எந்திரிச்சேன்! அப்போதும், பரிமளாவா? சிரிமளாவான்னு செம குழப்பம்! 

எல்லோரும் குழப்பம் வரும் போது தலைமுடிய பிய்ச்சுக்குவாங்க! சரி நானும் கொஞ்சம் முடியைப் பிய்ச்சுக்குவோம்னு தலைக்கு கிட்ட கையைக் கொண்டு போனேன்! அங்க ஒரே மொட்டையா இருந்திச்சு! உடனே ஃபிரெண்டு சொன்னான்! “ மச்சி நீதானே நேத்திக்கு சொன்னே! “முடி’ எடுக்க முடியலைன்னு! அதான் நீ தூங்கும் போது மொட்டை போட்டுட்டேன்”னு சொன்னான்! அவனுக்கு நான் பக்குவமா புரிய வைச்சேன்! என் மேல இவ்வளவு அக்கறையா இருக்குற அவனுக்கு நான் என்ன கைமாறு செய்யப் போகிறேனோ என்று யோசித்தேன்! அப்போ, எனக்கு ஒரு ஐடியா தோணிச்சுது! உடனே, ஒரு அழிரப்பர் எடுத்து, சிரிமளா தந்த கடிதத்தில் இருந்த என்னோட பேரை அடிச்சுச்சு, அதுல என்னோட நண்பர் பேர போட்டுட்டேன்! உடனே, என்னோட ஃபிரெண்டுக்கும், சிரி மளாவுக்கும் லவ்வு ஸ்டார்ட் ஆகிட்டுது! அவங்க அடுத்தமாசமே கல்யாணம் பண்ணி குழந்தை பெத்துக்கிட்டாங்க! அப்போ எனக்கு 14 வயசு!

எனக்கோ, லவ் பண்ணுற ஆசை ரொம்ப அதிகம் ஆச்சு! நம்ம ஊருல ஒருநாள் மழை பெஞ்சுது! நான் மழையில நனைஞ்சுகிட்டு, ரோட்டில போய்க்கிட்டு இருந்தேன்! அப்போது என்கூட பத்தாம் வகுப்புல 4 வாட்டி ஒண்ணாப் படிச்ச பஞ்சவர்ணம் என் எதிரே வந்தாள்! அவளிடம் இரண்டு குடைகள் இருந்திச்சு! ஒண்ணு சிவப்பு! மத்தது கறுப்பு! அவகிட்ட ஒரு குடை தர்ரியான்னு கேட்டேன்! அவ சரின்னா! “ உனக்கு சிவப்பு குடை வேணுமா? கறுப்பு குடை வேணுமா?” அப்டீன்னு கேட்டா! நான் சொன்னேன்! எனக்கு கறுப்பு நிறம் ரொம்ப ரொம்ப பிடிக்கும்! அதுலான சிவப்பு குடையைத் தா”னு சொன்னேன்! 

அதுக்கு அவ ஒரு போட்டி வைக்கலாம்னு சொன்னா! என்ன போட்டின்னு கேட்டேன்! ” ரெண்டு பேரும் ஒண்ணுல இருந்து நூறு வரைக்கும் எண்ணுவோம்! யாரு மொதல்ல எண்ணி முடிக்கிறாய்ங்களோ, அவருக்கு சிவப்புக் குடை” அப்டீன்னு டிசைட் பண்ணினோம்!  நான் உடனே அண்ண ஆரம்பிச்சேன்! பஞ்சவர்ணமும் குடைய கீழே போட்டுட்டு, எண்ண ஆரம்பிச்சா! 

எனக்கு, எண்பதுக்குப் பிறகு எண்பத்தி ஒண்ணு வருமா? எழுபத்தி ஒண்ணு வருமா?ன்னு ஒரே குழப்பமா இருந்திச்சு! அதுனால நான் தடுமாறிகிட்டு இருந்தேன்! பஞ்சவர்ணம் உடனே எண்ணி முடிச்சுட்டா! ஸோ, அவதான் வின் பண்ணிட்டா! சரி சிவப்பு குடைய நீயே எடுத்துக்கோன்னு சொல்லிட்டேன்! அவ குடைய எடுக்க, கீழே பார்த்தா! அங்க தண்ணீரில என்னோட உருவம் தெரிஞ்சிச்சு! ஆனா, குடைய காணல! வெள்ளம் கொண்டு போயிடுச்சு!

” நாம ரெண்டு பேருமே இவ்ளோ நேரமும் நனைஞ்சுக்கிட்டு இருந்திருக்கோமே! இது நமக்குத் தெரியாமல் போய்ச்சே”னு பஞ்சவர்ணம் சொன்னா!  உடனே நான் சொன்னேன் “ அப்டீன்னா நாம லவ் பண்றோம் போல! அதுதான் மழை பெஞ்சது நமக்குத் தெரியல” உடனே பஞ்சவர்ணம் என்னைப் பார்த்து சொன்னா “ மணி, இவ்வளவு கடும் மழைக்குள்ளும் நீ நல்லா மணி மணியா பேசுறியே! நீ தான் என் வருங்கால புருஷன்” அப்டீன்னா!

உடனே நான் அவளைப் பார்த்து “ ஐ லவ் யூ பஞ்சவர்ணம்”னு சொன்னேன்! அதுக்கு அவ செருப்பைக் கழட்டி எனக்கு அடிச்சுட்டா! அது ஏன்னு கேக்குறீங்களா?

( தொடரும்.....! )